Бүгін «Nur Otan» партиясы Түркістан облыстық филиалының «Open Space» форматындағы қоғамдық қабылдауында облыс әкімі Өмірзақ Шөкеев азаматтарды қабылдап, олардың мұң-мұқтажын тыңдады.
Облыс әкімдігінің баспасөз қызметінің хабарлауынша, аймақ басшысының қабылдауына келген көпбалалы ана Ұлжан Тойлыбаева атаулы әлеуметтік көмек алу мәселесіне тоқталды. Сондай-ақ баспанаға қол жеткізе алмай жүргенін жеткізген азаматша көмек сұрайды.
«Біз сіздің жағдайыңызды түсініп отырмыз. Бұл мәселені шешуге тырысамыз. Алайда сіз ең алдымен үй кезегіне тұруыңыз қажет», - деді өңір басшысы. Аталған азаматқа жұмыспен қамтуды үйлестіру және әлеуметтік бағдарламалар басқармасы арқылы тиісінше қолдау көрсетіледі.
