Ұлттық қауіпсіздік комитетінің басшысы Кәрім Мәсімов Елбасы Нұрсұлтан Назарбаев туралы кітап жазбақ. Бұл туралы Tengrinews.kz хабарлады.
"Нұрсұлтан Әбішұлы - ұлы адам. Ол туралы кітап жазамын, оны "Елбасы көмекшінің көзімен" деп атаймын", - деді Мәсімов. Оның айтуынша, кітап қызықты болмақ. "Парақтары "жабық" қызық кітап болады", - деді ҰҚК басшысы.
Айта кетейік, Кәрім Мәсімов Ұлттық қауіпсіздік комитетінің басшысы болып 2016 жылы 8 қыркүйекте тағайындалған болатын.
Кәрім Мәсімов 2003-2006 жылдар арасында Нұрсұлтан Назарбаевтың көмекшісі болған, Премьер-министрдің орынбасары қызметін атқарды. Екі рет елдің Премьер-министрі (2007-2012 және 2014-2016 жылдары) болды, сонымен қатар, Президент Әкімшілігінің басшысы қызметінде жұмыс істеді.
Ол Премьер-министрдің қызметінде болғанына қарамастан өзін президенттің көмекшісімін деп бірнеше рет айтқан болатын.
