Әлем бойынша бір тәулікте 73 мыңға жуық адамнан COVID-19 диагнозы анықталды

13 сәуір, 12:10

Дүниежүзілік денсаулық сақтау ұйымының мәліметінше, бүгінгі таңда әлем бойынша 1 855 830 адам коронавирус инфекциясын жұқтырған. Оның 72 955-і соңғы тәулікте тіркелген.

Қауіпті індеттен күні бүгінге дейін әлемде 114 244 адам көз жұмса, соңғы тәулікте 5418 адам вирусты инфекциядан қайтыс болған. Ал жазылып шыққандар саны бүгінгі таңға дейін 424836 адамды құрап отыр, оның 27 841-і соңғы тәулік ішінде індеттен сауыққандар.