Қазақстанның кейбір аудандарында ауа температурасы 6 мамырдан бастап 32 градусқа дейін көтеріледі, деп хабарлайды Tengrinews.kz Қазгидрометке сілтеме жасап.
"Қазгидромет" РМК жасаған болжамға сәйкес, Қазақстанға келген антициклон жауын-шашынның тоқтауына ғана емес, республиканың көптеген облыстарында күннің жылынуына әсер етті.
"Алдағы
үш тәулік ішінде солтүстік, орталық,
шығыс және оңтүстік облыстарда антициклон
ықпалымен ауа райы жауын-шашынсыз
болады және ауа температурасы күрт
көтеріледі, 6 мамыр күні күндізгі
температура кей жерлерде 23-28 градусқа
дейін, оңтүстікте және орталықта 27-32
градусқа дейін көтеріледі", - деп
хабарлады қазгидромет.
Синоптиктердің
мәліметінше, оңтүстік-шығыста алдағы
тәулікте суық атмосфералық фронттың
әсері сақталады, сондықтан кей жерлерде
найзағай ойнап, жел күшейеді. Жауын-шашын
тоқтағаннан кейін, мұнда да ауа тез
қызады. Ал батыс облыстарда атмосфералық
фронттардың орын ауыстыруымен күн
күркіреп, жаңбыр жауады деп болжануда.
