Бұл туралы Төтенше жағдайлар комитетінің төрағасы Владимир Беккер елордада өткен брифинг кезінде айтты.
Беккердің сөзінше, елімізде суға түсу маусымы аяқталғанымен тілсіз жаудың салдарынан көз жұмып жатқандар бар.
"Түркістан облысы Мақтаарал ауданындағы Жалын ауылында ата-анасының көзінен таса қалған қыз бала 30 литр су құйылған ыдысқа құлап кеткен. 2018 жылы туған бүлдіршін ауруханаға жеткізілді. Жағдайы ауыр», - деді ТЖК төрағасы.
Беккер брифинг кезінде кішкентай балалары бар отбасыларды сақ болуға шақырды. Мүмкіндігінше баланы үйде жалғыз қалдырмау қажеттігін, ал балаңыз үйде кезде көзден тасада қалдырмауды ескертті. Одан өзге Владимир Беккер Түркістан облысы, Кентау қаласына қарасты Шаштөбе ауылында 1973 жылы дүниеге келген азамат су қойманың тыйым салынған тұсында шомыламын деп батып кеткенін де мәлімдеді.
