Ақтауда ұрлық жасап, сотты болған 29 жастағы азамат 4 ақпан күні колония аумағында бақылаусыз жүру мүмкіндігін пайдаланып қашып кеткен болатын. Қашқын көп ұзамай ұсталды, деп хабарлайды Elitar.kz.
ҚР ІІМ Қылмыстық-атқару жүйесі комитеті баспасөз қызметінің хабарлауынша, түрмеден қашқан азамат араға 6 күн салып ұсталған.
«10 ақпан кешкісін ГМ-172/8 мекемесінің қызметкерлері Ұлттық гвардия және Маңғыстау облыстық полиция департаментінің қызметкерлерімен бірлесіп жүргізген жедел-іздестіру іс-шаралары нәтижесінде М.Бердиев қаладағы шағын аудандардың бірінде ұсталды» деп мәлімдеді ведомствоның баспасөз қызметі.
Қазіргі уақытта сотталушының үстінен бұл әрекеті үшін ҚР ҚК-нің 427-бабына сәйкес қылмыстық іс қозғалды. Ол түзеу мекемесіне оралмағаны үшін екі жылға бас бостандығынан айырылуы мүмкін.
