23 наурыз, 19:24
Қасым-Жомарт Тоқаев Түркістан мен Шымкент қалаларына жасаған сапары туралы ойымен бөлісті. Бұл туралы Президент Твиттердегі парақшасында бөлісті.
"Бүгін жұмыс сапарымен Түркістан облысы және Шымкент қаласында болдым. Онда жұртшылық өкілдерімен жоспарларымды бөлістім. Алда атқаратын қыруар жұмыс тұр. Сабақтастықты сақтау, әділеттілікті қолдау және ілгерілеуді қамтамасыз ету – ең басты міндетіміз" деп жазды Мемлекет басшысы.
Еске салсақ, Қасым-Жомарт Тоқаев наурыздың 20-сы күні Қазақстан Республикасының Президенті қызметіне ресми түрде кірісті. Мемлекет басшысы алғашқы жұмыс сапарын Түркістан қаласынан бастады. Кейін Шымкент қаласында болды.
