Түркістан облысының дәрігерлері ауыр жағдайдағы жүкті әйел мен оның сәбиінің өмірін аман алып қалды, деп хабарлайды өңірлік денсаулық сақтау басқармасының баспасөз қызметі.
Осыдан бірнеше күн бұрын Шардара ауданының тұрғыны, 1990 жылы туылған Жансая Дүйсенова жедел жәрдем арқылы аудандық орталық ауруханаға жеткізілді. Жергілікті дәрігерлер әйелден жедел деструктивті аппендицитті анықтаған. Алайда соқыр ішегі жарылып кеткен аяғы ауыр әйел ауыр халде санавиация желісі бойынша тікұшақпен облыстық клиникалық ауруханаға жөнелтілді.
“Санавиация жолымен ауыр халде жеткізілген науқасқа сирек кездесетін отаның ауыр түрі жасалды. Жүкті әйел үшін кез келген ілеспе патология өмірге қауіпті. Бұл жағдайда әйел ауыр хирургиялық патологиямен, перитонитпен жеткізілді. Бір мезетте бірнеше операцияның ауыр түрі жасалған науқастың беті бері қарап, жасақтау бөлімінен ауыстырылды”, - деді облыстық клиникалық аурухананың хирургия жөніндегі бас дәрігердің орынбасары Елдос Сұлтанов.
