Түркістан облысының әкімі Өмірзақ Шөкеев ҚР Президентінің сайлауына келді. Аймақ басшысы облыс орталығы Түркістан қаласындағы №133 сайлау учаскесінде өз таңдауын жасады.
«Облысымыздағы 889 сайлау учаскесінің барлығы тиісінше дайындалып, маңызды науқанды жоғары деңгейде өткізіп жатыр. Өңірімізге ТМД-да, ЕҚЫҰ-дан және өзге халықаралық ұйымдардан бақылаушылар арнайы келіп, сайлаудың барысына бақылау жүргізуде. Еліміздің келешегін айқындайтын ерекше сәтте баршаңызды белсенді болуға шақырамын»,– деді аймақ басшысы.
Атап өтерлігі, Түркістан облысындағы сайлаушы саны 1 181 946 мың адамды құрайды.
