Роман Захаров бүкіл Қазақстанға көпірге плакат ілгені үшін танымал. Жас жігіт Конституциядан дәйек келтіріп, алматы көпірлерінің біріне плакат ілгені үшін қамауға алынған болатын. Оған «қоғамдық тәртіпті бұзды» деген айып тағылды.
Дүйсенбі
күні кешкісін Роман босатылды. Бес
тәулікке қамаудың орнына арт-активистке
айыппұл салынды.
"Мені
кешке арнайы қабылдау орнына әкелді
(әкімшілік қамауға алынған адамдар үшін
). Мен онда төрт сағат өткіздім. Карантин
камерасында. Кешкі ас берген жоқ. Сағат
шамамен 10 – да (кешкі) мені кенет қалалық
сотқа апарды. Сот өте тез өтті. Бес минут
болған шығар. Адвокатым жоқ еді. Мен
адвокаттарды талап еттім. Маған
прокуратура аппеляция берді деп адвокат
беруден бас тартты. Өзгерген шешімді
оқыды, оны 5 АЕК – ке (әкімшілік айыппұл-V)
өзгертіпті. Мен Лобачевскийге (арнайы
қабылдау орны) жеткенше тағы бір сағат
күттім. Онда менің заттарым, құжаттар,
телефоным қалған еді", - деді Захаров
Vласти сайтындағы әріптестерімізге.
Рома, сондай-ақ, құқық қорғау қызметкерлері үнемі оның кімге жұмыс істейтінін, оған кім ақы төлейтінін сұраған.
Жігіт
изоляторда Асия Төлесованы көрген (
ол алдын "шындықтан қашып кетпейсің"
деген плакат үшін ұсталған). Роман қызбен
біраз сөйлескен. Ол Әсия өзін жақсы
сезінетінін айтты.
Активист
құқыққорғаушы Татьяна Чернобиль мен
Анастасия Миллерге, адам құқықтары
жөніндегі Қазақстандағы Халықаралық
бюроға (ҚБШҮ), өз адвокаттарына,
журналистерге және оны қолдағандардың
барлығына алғыс білдірді.
Естеріңізге
сала кетейік, Роман Әл-Фараби және Достық
даңғылдарының қиылысындағы көпірге
"Мемлекеттік биліктің қайнар көзі –
халық" деген жазуы бар баннер ілген.
Сот оны "ұсақ бұзақылық" бабы
бойынша 5 тәулік әкімшілік қамауға алды.
Бірақ шешім айыппұл төлеуге ауыстырылды.
Автор : Данияр Молдабеков, Vласть
интернет-журналының репортері
