Ашхабадтағы мемлекеттік дүкендерде әлі күнге дейін жұмыртқа мен өсімдік майы жетіспейді, деп хабарлайды "Түркіменстан хроникасы".
Соңғы төрт күннен бері базарда орналасқан "Берекетли" дүкенінде жұмыртқа жоқ. Осыған қарамастан, таңғы сағат 4-тен бастап адамдар әдеті бойынша кезек алып келеді. Жұмыртқа әкелінген жағдайда ол таңғы сағат 6-да бастап белгіленген бағамен сатыла бастайды.
30 шағынауданда орналасқан "Қарақұм" дүкенінде (бұрынғы "Богатырь" дүкені) жұмыртқа мен өсімдік майы секілді тапшы азық-түліктерді жеткізудің белгілі бір уақыты жоқ. Оларды 17:00-ден 22:00-ге дейін аралықта әкеледі. Тұрғындар болса, сағат 15:00-ден келіп, кезекке тұрады.
Сатып алушылардың бірі бұл дүкенде бір адамға тек 10 дана ғана жұмыртқадан сатылатынын айтты.
Сөрелерде өсімдік майы жоқ. Егер жанжал шығаратын болсаң, сатушы 9 манатқа күнбағыс майының литрін сатады екен.
- Бұрын біз күнбағыс майы қымбат деп сатып алмайтынбыз. Бірақ "Ахал" мақта майы сатылымда жоқ, - деді ер адам.
Бір апта бұрын "Ахал" май зауыты жұмысын қайта бастағаны белгілі болды, бірақ оның өнімдері әзірге нарықта пайда болған жоқ.
Мемлекеттік дүкендерде жұмыртқаның бір данасы 0,45 манат тұрады, жеке дүкендерде "Gus toplumy" бірлестігінің жұмыртқалары 1 манаттан, ал күнбағыс майының литр бөтелкесі 13-14 манаттан сатылып жатырады. Үй жұмыртқалары базарларда 1,50 манат тұрады.
