Заңсыз митингілер нәтижесінде 80 адам ұсталды, деп хабарлайды Elitar.kz ҚР ІІМ баспасөз қызметіне сілтеме жасап.
"1 мамыр күні Нұр-Сұлтан, Алматы, Семей, Қарағанды және Ақтөбе қалаларында Бас прокуратураның ресми үндеуіне қарамастан, заңсыз митингтер мен азаматтар жиындары өтті.
Акция қатысушыларына өзінің
қоғамдық ұстанымы мен әлеуметтік және
басқа да проблемалық мәселелер бойынша
пікірін еркін және ашық білдіруге
мүмкіндік берілді.
Алайда, Нұр-Сұлтан
және Алматы қалаларында жиналғандардың
кейбірі өздерін агрессивті түрде ұстап,
тыйым салынған экстремистік ұйымның
"ҚДТ"-ұрандарын
айтып, қоғамдық тәртіпті бұзды.
Осыған
байланысты, әкімдіктер мен прокуратура
өкілдері оларға бейбіт митингілер,
жиналыстар мен шерулер өткізу тәртібі
туралы заңнаманың ережелерін
түсіндірді.
Жеке азаматтар заңсыз
іс-әрекеттерді тоқтату туралы талаптарға
бағынбаған. Бұдан кейін полиция күшімен
қоғамдық тәртіпті қалпына келтіру және
тәртіп бұзушыларды ұстау шаралары
қабылданды.
Нәтижесінде, Астана мен
Алматыда полиция бөлімдеріне 80 азамат
жеткізілді. Олардың іс-әрекеттеріне
заңда белгіленген тәртіппен құқықтық
баға берілетін болады.
Ресми хабарлама
ведомствоның сайтында жарияланды.
Ішкі істер министрлігі Азаматтарға арандатушылық жасамауға және Қазақстан Республикасы заңнамасының талаптарын сақтауға кеңес береді", - делінген хабарламада.
Естеріңізге
сала кетейік, 1 мамырда Қазақстанның
бірқатар қалаларында рұқсат етілмеген
митингтер өтті. Астанада Есіл жағалауына
жиналған елорда тұрғындары Жастар
сарайына шеру жасады, деп хабарлайды
БАҚ
Жол бойымен келе жатқан
азаматтармен арнайы
жабдықталған автобустар қатар
жүрді. БАҚ акцияның кейбір қатысушыларының
ұсталғаны туралы хабарлады.
Рұқсат етілмеген митингілер Алматы қаласында да өтті.
Шерушілерге
қатысты күш қолданған жоқ (наряд тек
тәртіпті бақылап, жиналғандардың жанында
тұрды), митингіге Медеу ауданының әкімі
де шығып, түсіндіру жұмыстарын
жүргізді.
