Брифинг барысында қалалық білім басқармасының орынбасары Дулат Жекебаев "Хан шатыр" сауда орталығындағы қыздың өліміне қатысты түсініктеме берді. Аквапаркта бала ата-анасымен болған екен.
""Хан Шатыр" бассейнінде балалар ата-аналармен бірге шомылған. Мектеп әкімшілігі мен нұсқаушылар тарапынан барлық шаралар қабылданды. Нақты қорытынды ақпаратты тергеу іс — шараларынан кейін ғана бере аламыз", - деді Дулат Жекебаев әкімдіктегі брифингте.
Оқушы қыздың
№ 10 орта мектептің мектеп жанындағы
лагерінде демалғаны
туралы ақпарат расталды.
"Лагерьге
жыл сайын ата-аналардың өтініші бойынша
оқушылар қатысты. Мектеп тарапынан 24
еріп жүруші болды, сондай-ақ "Хан
шатырдан" нұсқаушы-құтқарушылар
болды. Балалар саны 200-ге
жуық. Мектеп өкілдерімен бірге ата-аналар
да болды. Тек құзырлы органдардың ресми
қорытындысы бойынша, біреудің кінәсі
дәлелденсе, әкімшілік немесе қылмыстық
жауапкершілік қолданылатын болады.
Мектеп әкімшілігі ата-аналармен
байланысқа шықты, материалдық және
моральдық көмек көрсетіледі. Бұл көп
балалы отбасы. Мектеп жанындағы лагерь
өз жұмысын жалғастырады", — деді
Дулат Жекебаев.
Естеріңізге сала
кетейік, қайғылы оқиға "Хан шатыр"
СОО-да болған. "SkyBeach Club" жасанды
жағажай бассейнінде шомыламын
деп, қыз бала суға
кетті.
