Нұр-Сұлтан полициясының басшысы тағайындалды

24 сәуір, 13:42

Нұр-Сұлтан қалалық полиция департаментінің бастығы лауазымына полиция полковнигі Сәденов Ержан Сапарбекұлы тағайындалды. деп хабарлайды Elitar.kz.

"Ержан Сапарбекұлы 1968 жылы Шығыс Қазақстан облысында туған. С. Аманжолов атындағы Шығыс Қазақстан мемлекеттік университетін, Қарағанды қаласындағы Қазақстан Республикасы ҰҚК-нің жоғарғы мектебін бітірген. Ішкі істер органдарында 1993 жылғы шілдеден бастап орта және аға басқарушы құрамның әртүрлі жедел лауазымдарында қызмет атқарған. Әр жылдары Риддер, Өскемен қалалық полиция басқармаларының, Шығыс Қазақстан облыстық полиция департаменті Есірткі бизнесіне қарсы күрес басқармасының бастығы, Маңғыстау облыстық полиция департаменті бастығының бірінші орынбасары, ІІМ Жедел департаментінің бастығы, Көліктегі полиция департаментінің бастығы болып қызметті етті. 2016 жылғы маусымнан бастап Қазақстан Республикасы Ішкі істер министрлігі Ақмола облыстық палиция департаментінің бастығы лауазымын атқарды",- делінген ҚР Ішкі істер министрлігінің баспасөз қызметінің хабарламасында.