Нұр-Сұлтан қаласында үш жасар қыз көз жұмды. Ішкі істер министрлігі бүлдіршіннің ауруханаға түрлі дене жарақатымен түскенін мәлімдеді, деп хабарлайды Elitar.kz.
Бүлдіршінді ұрып-соқты деген күдікпен өзінің анасы ұсталды. Қазіргі таңда оған қатысты соталды тергеп тексеру жұмыстары жүріп жатыр. Бұл туралы ІІМ орынбасары Марат Қожаев Нұр-Сұлтанда өткен брифингте айтты.
«8 маусымда Нұр-Сұлтан қаласында түрлі деңгейде ауыр жарақат алған 3 жасар қыз ауруханаға түсіп, бүлдіршін алған жарақатынан көз жұмды. Кейін анықталғандай, кішкентай қыз жағдайы нашар отбасында дүниеге келген. Анасының полиция департаментінде есепте тұрғаны, ал өгей әкесінің бұрын сотты болғаны белгілі болды. Қазіргі уақытта күдікті әйелге қатысты баланы ұрып-соғып, өлімге әкелді деген айыппен соталды тергеу жұмыстары жүріп жатыр», - деді вице-министр.
