Елордалық 700 медицина саласының қызметкері қонақүйлерге орналастырылды. Қалалық қоғамдық денсаулық сақтау басқармасының басшысы Сәуле Қисықованың мәліметінше, 700 дәрігер Hilton, "Думан" және "Дипломат" қонақүйлерінде тұрып жатыр. Бұл медицина қызметкерлері арасында қауіпті індеттің таралуының алдын алу мақсатында қолға алынған. Айта кетейік, қонақүйлерге орналастырылған барлық қызметкер үш мезгіл ыстық тамақпен және көлікпен қамтамасыз етілген.
