Нұр-Сұлтанда қарулы қақтығыстан төрт адам жараланды, олардың біреуі ауруханада қайтыс болды, - деп хабарлайды Нұр-Сұлтан полиция департаментінің баспасөз қызметіне сілтеме жасай отырып Elitar.kz.
"Атыс нәтижесінде қақтығысқа қатысқан төрт адам жараланып, біреуі ауруханаға келген соң көз жұмды. Күдіктілер оқиға болған жерден ізін суытты. Елордалық полиция қызметкерлерінің жедел қабылдаған шаралары нәтижесінде аталған дерек бойынша екі күдікті бір тәулік ішінде ұсталды", - деп хабарлады департамент өкілдері.
Қазіргі уақытта олар Нұр-Сұлтан қалалық ПД уақытша ұстау изоляторына қамалды. Оқиғаға қатысты адамдар анықталды. Тергеу жүргізілуде.
