«Азбука жилья» компаниялар тобы иесінің мүлкі тәркіленді. Бұл туралы Нұр-Сұлтан қалалық прокуратурасы мәлімдеді.
«Азбука жилья» компаниялар тобының иесі, үлескерлердің 40 миллиард теңгеден астам ақшалай қаражатын заңсыз иемденіп алған Е. Тайжановқа қатысты қылмыстық істі зерделеумен оның қылмыстық жолмен алынған мүлкі – 5 жер учаскесі және LEXUS LX 570 маркалы автокөлігінің бары анықталды.
Нұр-Сұлтан қаласының прокуратурасы Тайжановтың халықаралық іздестіруде болуына байланысты Алматы ауданының №2 сотына заңсыз жолмен алынған мүлікті сотқа дейінгі тәркілеу туралы өтініш хат енгізді. Аудандық хаттың қаулысымен өтініш хат толық көлемде қанағаттандырылып, Тайжановтың мүлкі мемлекет кірісіне өндіріп алынды" делінген прокуратураның ресми сайтындағы мәліметте.
Қазіргі уақытта сот актісі заңды күшіне енді және орындау үшін уәкілетті органға жолданып, қала прокуратурасы заңсыз кірістер мен ұрланған активтерді тәркілеу бойынша жұмыстарын жалғастыруда.
