Көлік полицейлері "Лондон – Нұр-Сұлтан" бағытындағы әуе рейсінен Ұлыбритания азаматын әкімшілік құқық бұзушылық үшін алып тастады. Біріккен Корольдіктің 24 жасар азаматы жолаушылар мен бортсеріктерге тіл тигізген.
"Бортсеріктің жазбаша ескертуіне сәйкес, жолаушы өзін дұрыс ұстамаған, ағылшын тілінде оқымайтынын айтып, жолаушыларға тіл тигізген, сөзге құлақ аспаған және ұшақ бортында өрескел мінез көрсетуін жалғастырған, қауіпсіздік нұсқаулығына бағынбаған. Сонымен қатар, жолаушы дауыс көтеріп жанжалдасқан, бортсеріктердің ескертулеріне агрессивті әрекет жасап, оларға тіл тигізіп, жолаушыларға қызмет көрсетуге кедергі жасаған", - деп хабарлады көліктегі полиция департаментінің баспасөз қызметі.
Құқық бұзушыға әкімшілік айыппұл салынды.
