Нью-Йорктегі шымкенттік полицей Димаш Ниязов адам өміріне араша түсемін деп қызмет бабында қаза тапқан атыраулық әріптесінің отбасына көңіл айтты. Бұл туралы ол INSTAGRAM парақшасында жазды.
"Атырауда суға батып бара жатқан әйелді құтқарамын деп, қаза тапқан полицей туралы жаңалықты естіген боларсыздар. Патрульді полицияның сержанты Шалхар Ақымғалиев тастай суға еш ойланбастан қойып кетіп, оған кіші лейтенант Рүстембек Сүндутов көмекке ұмтылады. Олар екеуі әйелді құтқарып қалды. Мен сынағалы отырғаным жоқ. Көптеген адамдар маған жазып, бұл жағдайға кім кінәлі, неліктен бұлай болды, суға секірмей тұрып ойлануы тиіс еді деп сұрады. Мен бір ғана нәрсені айтамын: Шалхар – нағыз қаһарман! Ол полицияда өз ісіне берілген нағыз азаматтар істейтінін баршаға дәлелдеді. Осындай қаһарманды тәрбиелегені үшін ҚР ІІМ-не рақмет! Біз, Нью-Йорк полиция департаментінің жасағы марқұмның отбасына, достары мен жақындарына көңіл айтамыз" деп жазды полицей.
