Оңтүстік Кореяда коронавирустан көз жұмғандар саны 7 адамға жетті. Соңғы жағдай Чхондонда орын алған. Емханаға барған 62 жастағы ер кісі жексенбі күні көз жұмды, деп хабарлайды Ренхап агенттігіне сілтеме жасап Elitar.kz.
Агенттіктің мәліметінше, демалыс күндері 161 адам вирусты жұқтырған. Бүгінгі таңда Оңтүстік Корея бойынша індетке шалдыққандар саны 763-ке жетті. Белгілі болғаны бұл елде коронавирус ошағы ретінде екі орын белгіленді. Ол Тэгу провинциясындағы діни орын мен Чхондондағы емхана.
