Еліміз бойынша 15 305 педагогқа 2016-2018 жылдардағы оқу кезеңінде инклюзивті білім беру шеңберінде ерекше білім берілуіне қажеттілігі бар балалармен жұмыс істегені үшін үстемеақы төленбей келген деп хабарлайды Elitar.kz.
Бүгінде қадағалау актісі бойынша педагогтарға 176 млн. теңгеден астам ақша төленді.
«Өз кезегінде көрсетілген жұмыс жағдайы үшін қолданыстағы заңнамада педагогтарға жалақыдан 40% мөлшерінде үстемеақы көзделген («Мемлекеттік бюджет қаражаты есебінен ұсталатын ұйымдардың қызметкерлеріне еңбекақы төлеу жүйесі туралы» Үкіметтің 31.12.2015 жылғы № 1193 қаулысы, «Білім туралы» Заңның 52-бабының 4-тармағы).
Прокурорлық қадағалау актілерін қарау нәтижесі бойынша заң бұзушылықтар жойылып, жоғарыда көрсетілген қызметкерлерге 176, 2 млн. теңге мөлшерінде төлемдер жүзеге асырылды»,- делінген ҚР Бас прокуратурасының сайтындағы баспасөз хабарламасында.
