16 қараша, 18:00
«Жолаушылар тасымалы» АҚ баспасөз қызметі Қазақстан бойынша теміржол билеттерінің бағасы туралы түсіндірді.
2018 жылдың 11 қыркүйегінен бастап «Жолаушылар тасымалы» АҚ-да (бұдан кейін – Қоғам) Қазақстан аумағындағы барлық әлеуметтік маңызды бағыттарға билет бағасын реттеудің икемді жүйесі енгізілді. Ол бағыттарға жекеменшік тасымалдаушылар мен басқа мемлекеттердің бағыттарын (Ресей, Беларусь, Өзбекстан, Қырғызстан пойыздарын) қоспағанда тіркемесімен қоса алғандағы негізгі 52 әлеуметтік маңызды бағытттар жатады.
Билет бағасын реттеудің икемді жүйесі динамикалық-тарифтік басқару бағдарламасы бойынша енгізілген. Бұл әлемдік тәжірибені көптеген әуе және жердегі тасымалдаушылар қолданады.
Жолаушылардың елдің ішіндегі кез келген бағыттарға билеттерді 45 күн бұрын 25% дейінгі жеңілдікпен сатып алуына мүмкіндік бар. Жеңілдік мөлшері бос орындардың санына және пойыз аттанатын уақытқа қанша күн қалғанына байланысты. Пойыз жүретін күн жақындаған сайын билет бағасы жоғарылай береді, бірақ 25%-дан аспайды.
Пойыздар жоғарыда айтылған негізгі әлеуметтік-маңызды бағыттардан бөлек тағы 14 коммерциялық бағытпен де қатынайды. Олардың 9-ы «Тальго» вагондарынан құралған.
ҚР заңнамасы бойынша коммерциялық бағыттарға билет бағасын жолаушылар санын, мерекелік күндер, маңызды бағыт және т.б. жайттарды ескере отырып тасымалдаушы белгілейді.
Осыған байланысты бұл бағыттардағы билет бағасы негізгі ставкадан –35%-дан бастап (жеңілдік) +35% және одан жоғары аралықта болуы мүмкін. Коммерциялық бағыттардағы бұл билеттерді сатудан түскен қаржы Қоғамды дамытуға, жаңа сервистік қызметтерге, процестерді автоматтандыруға және вагондар паркін жаңартуға тікелей жұмсалады.
Ұлттық тасымалдаушы іс-сапарларды ертерек жоспарлауға және билеттерді алдын ала сатып алуды ұсынады.
Автор:
Татьяна Демина
