Синтетикалық есірткі сататын сайттардың қабырғалардағы жарнамалары қазіргі заманның басты проблеммасы. СҚО ПД есірткі қылмысына қарсы күрес басқармасының қызметкерлері есірткімен күрестің жаңа форматын ұсынды. Олар суретші-волонтерді бояуымен және қылқаламдармен қамтамасыз етті. Ол өз кезегінде қабырғаларды суреттермен өрнектеп, қала тұрғындарына көтеріңкі көңіл-күй сыйлады.
Нұрсұлтан
Назарбаев көшесіндегі екі үйді қосатын
арка "Дарын"мектеп-лицейінің
жанында орналасқан. Мұнда күн сайын
жүздеген бала өтеді. Енді олар қауіпті
жарнаманың орнынан гүлдер мен торғайлардың суретін тамашалайтын болады.
"Стрит-арт (көше өнері) символында торғай еркіндікті білдіреді. Мен есірткіге тәуелділіктен азаттық идеясын таңдадым. Торғай суретінің тағы бір мәні - орындалған арман. Бүгінде біздің қаланы әдемі және қауіпсіз ету ниетім ішінара орындалғанын мақтанышпен айта аламын", - деді суретші Станислав Алерт.
Полицейлер
қала тұрғындарын есірткіге қарсы күреске
қосылуға шақырады. Жарнаманы байқаған
әрбір адам оны өз бетінше бояй алады.
Немесе ол туралы 8-707-500-96-65 нөмірі бойынша
хабарлау керек.
"Егер тұрғындар үй қабырғаларын стрит-арт объектілеріне айналдырғысы келсе, жазбаларды жойып, суретшілермен байланысуға көмектесеміз",-деп хабарлады полицейлер.
