Алматылық полицейлер тәртіп сақшысы болғысы келетін 14 жасар Азиздің арманын орындады. Бала айықпас дертке шалдыққан. Ол ДЦП-мен ауырады, деп хабарлайды Рatrul.kz-ке сілтеме жасай отырып Elitar.kz.
Жасөспірім 9 жасқа дейін өздігінен жүре алмаған, сөйлей де алмаған. Бұл туралы баланың анасы айтты.
Алайда, Гүлмираның айтуынша ол қиындыққа берілмей, ұлын әрдайым қолдап келеді. Азиз полицей болуыды армандайды екен. Ұлының арманын орындау үшін ол Алматы облысы полиция департаментінің басшылығынан көмек сұрайды. Тәртіп сақшылары болса өтінішке құлақ асып, балаға арнайы киім тіктіріп, оны жол қозғалысының жас инспекторларының қатарына қабылдады. Сондай-ақ, Азизді қызметтік көліктеріне мінгізіп, тәртіп бұзушыларды тоқтатуға мүмкіндік берген.
Тосын
сый мұнымен біткен жоқн. Полиция
қызметкерлері Азиздің
"Мұхтар" сериалын сүйіп
тамашалайтынын естіп, оған неміс
овчаркасының күшігін
сыйға тартты. Алайда,
баланың анасы жалдамалы пәтерде
тұратындарын, үй иесі ит асырауға рұқсат
бермейтінін айтты.
Азиз
сондай-ақ бұл күні көптеген достар
тапты. Ол Алматы облысындағы №7
мектептің кадеттерімен кездесті. Олар
жасөспірімге автоматты қалай жинауды
көрсетті, ән салып, қонақтың көңілін
көтерді. Қоштасарда сыйлықтар ұсынды.
Мекеме
қызметкерлері тиісті органдар бұл
отбасын баспанамен қамтамасыз ететеді
деп үміттенеді. Сонда Азизді төрт аяқты
досынан ешкім ажыратпас еді дейді олар.
