Алматыда өрт сөндірілді

18 шілде, 16:53

Алматы құтқарушылары лак-бояу өнімдерінің қоймасындағы өртті сөндірді, деп хабарлайды қалалық ТЖД баспасөз қызметі.

"Өрт сағат 14.49-да сөндірілді. Өрт алаңы 450 шаршы метрді құрады. Қаза болғандар мен зардап шеккендер жоқ", - деді төтенше жағдайлар департаменті.

Жалпы алғанда, құтқарушылар отпен жеті сағаттан астам уақыт алысты.
Бұған дейін ТЖД баспасөз қызметінде 18 шілде күні сағат 07.45-те "101" пультіне Жетісу ауданындағы қойма бөлмесінің жанғаны туралы хабарлама келіп түскенін хабарлады. Кейін өрт сөндіруге тікұшақтар тартылды.