Мемлекет басшысы Үкімет пен Президент Әкімшілігіне алаяқтыққа тосқауыл қою үшін цифрландыру жүйесін енгізуді жеделдетуді тапсырды, деп хабарлайды Президенттің твиттердегі парақшасына сілтеме жасай отырып Elitar.kz.
Тоқаев АӘК алу үшін жаппай ажырасуға арыз беріп жатқан көпбалалы аналарға қатысты пікір білдірді.
"Атаулы әлеуметтік көмек алу мақсатында көпбалалы ата-аналардың ажырасуы жиілеп кетті. Үкімет пен Президент Әкімшілігіне алаяқтыққа тосқауыл қою үшін цифрландыру жүйесін енгізуді жеделдету тапсырылды. АӘК – бұл мұқтаж азаматтарға берілетін мемлекеттің жәрдемақысы",-деп жазды Тоқаев твиттердегі парақшасында.
Айта кетейік, бұған дейін Elitar.kz порталы көпбалалы аналарға берілетін көмек алу үшін Шымкентте ажырасудың көбейгенін алғаш болып жазған еді.
