Мемлекет басшысы Қасым-Жомарт Тоқаевтың қытайлық CCTV телеарнасына сұхбат бергені туралы оның баспасөз хатшысы Берік Уәли Facebook парақшасында жазды.
“Мемлекет басшысы қазақ-қытай қатынастарының даму перспективаларына қатысты өз пікірімен бөлісті.
Күн тәртібіндегі екі жақты мәселелерден бөлек, қытайлық журналистерді Қасым-Жомарт Тоқаевтың қазіргі халықаралық қатынастардағы Қытайдың рөліне, ҚХР-ның 70 жылдық мерейтойы қарсаңындағы жетістіктеріне берген бағасы аса қатты қызықтырды. Сондай-ақ Президент өзге де жеке мәселелерге қатысты сауалдарға жауап берді" деп жазды Берік Уәли.
Қасым-Жомарт Тоқаев сауалдарға қазақ және қытай тілдерінде жауап берді. Сұхбат CCTV телеарнасында көрсетілетін болады.
