Қасым-Жомарт Тоқаев елордадағы LRT жобасын сынға алды. Президенттің пікірінше, бұл жоба ақталмайтын болады деген қауіп бар.
"Ыңғайлы, түсінікті, практикалық
көлік түрін жасаудың орнына қымбат
тұратын көлік ұсынылған. Мамандардың,
сәулет қоғамының пікірлері ескерілмеген.
Әкімдіктің мәліметінше, болжанған ағын
тәулігіне 146 мың адамды құрайды. Қазіргі
уақытта әуежайдан жаңа вокзалға дейінгі
ұқсас маршрут бойынша жолаушылар ағыны
2 мың адамды құрайды. Ал сіздің жолаушылар
ағынын қалай 70 рет ұлғайтатыныңыз маған
түсініксіз. Өтемейтін жоба тұрақты
субсидиялауға соқтырып, Үкіметке жүктеме
болуы мүмкін", - деді президент.
Президент
осы құрылысты ұсынғандарды бақылаушы
органдардың сұрақтарына жауап беруге
шақырды.
"Жұмсалған шығындар мен
халықаралық міндеттемелерді ескерсек,
жоба тоқтатылуы мүмкін емес. Бірақ
салдарын түсіну керек. Үкіметке әкімдікпен
бірлесіп осы мәселе бойынша нүкте қоюды,
нақты ұсыныстар енгізуді тапсырамын.
Жобаны ұсынған жауапты тұлғалар бақылаушы
органдардың сұрақтарына жауап беруі
тиіс", - деді Қасым-Жомарт Тоқаев.
LRT
құрылысты 2019 жылдың 31 желтоқсанына
дейін аяқтауды, ал жобаны 2020 жылдың
жазында іске қосуды жоспарлап отыр.
Жобаның құны бұрын бір миллиард 887
миллион долларға бағаланып, ұзындығы
22,4 километрді құрауы тиіс еді.
