Шымкенттік прокурорлар полиция заңсыз ұстаған 21 адамды босатқан. Бұл туралы қала прокуроры Мақсат Қожабаев тоғыз айда атқарған жұмыстары туралы есепте мәлім етті.
Оның айтуынша, 31 мыңнан астам азаматтың конституциялық құқықтары қорғалған. Прокурорлар жүргізген 41 тексеру және 117 талдау нәтижесінде 580 мың адамның құқықтары қорғалып, 600-ге жуық адам жауапкершілікке тартылған. Ал мүмкіндігі шектеулі балаларды үйден оқытқаны үшін 4428 мұғалімнің жалақысына қосымша 62 млн теңге өндірілген.
"Дәрі-дәрмектермен қамтамасыз ету бағытындағы тексеру нәтижесінде анықталған 91 млн астам теңгеге дәрілік заттарды ұрлау және оларды жасырын қоймада жинақтау дерегі бойынша сотқа дейінгі тергеп-тексеру амалдары басталып тергелуде.
Прокурорлар қылмыстық қудалау органдарының қызметтік бөлмелерінде заңсыз ұсталып отырған 21 адамды босатып, соңғылардың бостандық құқықтарын қалпына келтірді.
Полиция органдары 400 компьютермен қамтамасыз етілудін нәтижесінде, тергелетін электрондық қылмыстық істердің саны 8 есеге дейін артты (380/3082).
50 азаматқа қатысты шығарылған үкімдер прокурордың аппеляциялық өтінішхатынан соң заңнамаға сәйкестендірілді",-деді Марат Қожабаев.
Прокурорлық актілер негізінде 227 мың тұтынушының құқықтары қорғалып, 211 мың шарттан артық талаптар алынып тасталса, су тарифі (82,20-дан 73,65 теңгеге) және газ тарифі (3587,67-ден 3497,91 теңгеге) төмендеген. Екі монополисттің іс жүзінде кетпеген шығындарды тарифке қосу деректері прокуратураның АЕК-не тіркеліп, қазіргі таңда қылмыстық істер тергелуде.
