Алматыда баспасөз конференциясы өтті, онда Тянь-Шань тауларында жоғалып кеткен қазақстандық альпинистерді іздеу қорытындылары айтылды. Іздеу жұмыстары аяқталды. Одан әрі іздеуге ауа райының қолайсыздығы мүмкіндік бермейді.
«18 тамыз күні сағат 23:00-де командалық топ жиналды. Біз мұнда Армия орталық спорт клубынан келдік. 19 тамызда таңертеңгі сағат 04:00-де Бұрындай әуежайына жеттік. Ол жерден сағат 13:00-де ұшып шықтық. Содан кейін Хан Тәңірі альпинистік лагері аумағына келдік. Келесі күні, 20 тамызда, таңертеңгі сағат 9.00-де Каркара - Оңтүстік Ирымчек бағыты бойынша ҚР Төтенше жағдайлар комитетінің тікұшағымен іздедік. Қайғылы оқиға болған жердің айналасындағы рейс, трагедияның болжанған жерінен 8 рет айналып өттік. Тірі адамдар байқалмады. Тепловизорды қолдандық, бірақ нәтиже болмады. 21 тамызда «Жеңіс» шыңы аумағында қолайсыз ауа райы болды, ұшуға рұқсат берілмеді. Күн райының жақсаруын күттік. 22 тамызда да рейс жасалды. Жалпы, «Жеңіс» шыңын 14 рет айнала ұшып өттік. Нәтиже жоқ. Қазіргі уақытта көшкін қаупі жоғары, бұл жаяу іздеу жұмысына қауіпті. Бүгін, 23 тамызда іздеу жұмыстарын жүргізген команда Алматыға келді»,-деді Василий Пивцов.
Бұған дейін Қырғызстанның Тянь-Шань тауларында жоғалып кеткен қазақстандық альпинистерді іздестіру жұмыстары тоқтатылғаны туралы ҚР Қорғаныс министрлігі ақпарат және коммуникациялар департаментінің басшысы Данияр Айжанов айтқан болатын.
Еске салсақ, алматылық альпинистер Мұрат Өтепбаев, Андрей Корнеев және Александр Чечулин Қырғыз тауларында жоғалып кетті.
