Ресей Президенті Владимир Путин Шанхай ынтымақтастық ұйымының саммитінде бірқатар мемлекет басшыларын Ұлы Жеңістің 75 жылдығы мерейтойына ауызша шақырады, деп хабарлайды Риа Новостиге сілтеме жасай отырып Elitar.kz.
Бұл туралы Путиннің көмекшісі Юрий Ушаков мәлім етті.
"Мемлекет басшыларының 2020 жылы Мәскеуде өтетін салтанатты шараға қатысуға ауызша шақыртулар жіберілетін болады",-деді Ушаков.
Айта кетерлігі, маусымның 13-14 күндері Бішкекте Шанхай ынтымақтастық ұйымының саммиті өтпек.
ШЫҰ құрамына сегіз мемлекет: Үндістан, Қазақстан, Қырғызстан, Қытай, Пәкістан, Ресей, Тәжікстан және Өзбекстан кіреді. Төрт мемлекет: Моңғолстан, Иран, Ауғанстан, Беларусь бақылаушы, тағы алты мемлекет: Шри-Ланка, Түркия, Әзірбайжан, Армения, Камбоджа және Непал диалог бойынша серіктес болып табылады.
