Қазақстанда
2019 жылдың қаңтар-наурызында бір
қызметкердің орташа айлық жалақысы 168
489 теңгені құрады, деп хабарлады ҚР
Ұлттық экономика министрлігінің
cтатистика комитеті.
Биылғы жылдың
І тоқсанында 2018 жылдың сәйкес кезеңімен
салыстырғанда орташа айлық жалақы
мөлшері номиналды мәнде 10,5% — ға, нақты
мәнде 5,2% - ға өсті.
Бұл ретте салалық
құрылымда ең жоғары номиналды жалақы
кен өндіру өнеркәсібінде және карьерлерді
қазуда — 401,1 мың теңге (бұл орташа
республикалық деңгейден 2,4 есе артық),
қаржы және сақтандыру қызметінде — 323
мың теңге (1,9 есе), кәсіби, ғылыми және
техникалық қызмет саласында — 296,3 мың
теңге (1,8 есе), fқпарат және байланыс
саласында — 253 мың теңге (1,5 есе), көлік
және қоймалау саласында — 218,2 мың теңге
(1,3 есе) белгіленді.
Атаулы жалақының
ең төмен деңгейі ауыл, орман және балық
шаруашылығында — 93,2 мың теңге болып
белгіленді, бұл республика бойынша
орташа көрсеткіштен 44,7% - ға төмен.
Өңірлік
бөліністе ең жоғары номиналды жалақы
Атырау облысында белгіленді-322,7 мың
теңге, бұл орташа республикалық
көрсеткіштен 1,9 есе артық. Түркістан
облысында оның көлемі 109 мың теңгені
құрады, бұл ел бойынша орташа деңгейден
35,3% - ға төмен.
