Ресей Орталық сайлау комиссиясының басшысы Элла Памфиловаға қазақстандық азамат шабуыл жасаған. Бұл туралы ол РИА Новости-ге сілтеме жасап Elitar.kz хабарлады.
Белгісіз біреу Элла Памфилованың үйіне бас көктеп кіріп, бірнеше рет электрошокермен ұрып, тығылып қалған. Кейінірек шабуылшының қазақстандық азамат екені белгілі болды. Қазақстан азаматы бес жылдай уақыт шамасында Ресейде тұрып келген. Құжатын жоғалтып алған еш жерде жұмыс істемейді. Орманда лашықта тұрып келген. Ұсталған ол ОСК басшысына қарны ашып амалдың жоқтығынан шабуыл жасағанын айтқан.
Бұл шабуыл туралы Элла Памфилова есіктің қоңырауын басып келіп көмек сұраса, асын беріп, тіпті жұмыс та тауып берер едім дегенді алға тартты.
"Тамақ та беретін едім. Мен қарны аш иттер мен мысықтарды тамақтандырамын, үйі жоқ екі мысық менің үйімде тұрады. Адамға тамақ беру мүлде проблема емес",- деді Орталық сайлау комиссиясының басшысы.
