Ресейде өткен тәулікте 163 адам коронавирусты жұқтырып, қауіпті індетке шалдыққандар саны 658 адамға жетті.
ТАСС агенттігінің мәліметінше, соңғы тәулікте вирусты инфекцияны жұқтырғандар Ресейдің 55 өңірінен анықталған.
Ресей Премьер-министрінің орынбасары Татьяна Голикованың мәліметінше, коронавирус анықталған 29 адам сауығып шыққан. Бүгінгі таңда елдің 55 өңірінде 658 адам коронавирусқа шалдыққан. 112 мың адам оқшауланып, бақылауға алынған.
