Ресейдегі "Өңірлер әуежайлары" холдингі (олигарх Виктор Вексельбергке тиесілі "Ренова" компаниялар тобына кіреді) Қазақстан мен Өзбекстандағы әуежайларды сатып алу мүмкіндігін қарастыруда. Шығыс және Орталық Еуропаның экономикалық шолуы ақпараттық порталының мәліметінше, ресейліктер түрік инвесторларына тиесілі Қазақстанның Каспий маңындағы мұнай өндірудің ортасы болып табылатын Ақтау қаласындағы халықаралық әуежайды сатып алғысы келеді. Ал Өзбекстандағы әуежайды сатып алу мүмкіндігі әлі қарастырылуда. Тағы бір ресейлік "Новапорт" холдингі Өзбекстандағы Самарқанд, Наманган және Үргенч әуежайларын басқаруға алу және оларды қайта жаңарту ниетін жариялады.
