Бұл туралы Шымкент қаласы бойынша Мемлекеттік кірістер департаментінің баспасөз қызметіне сілтеме жасай отырып Elitar.kz хабарлайды.
Шымкент қаласы бойынша Мемлекеттік кірістер департаменті тарапынан ағымдағы жылдың 7-айы аралығында, бақылау-профилактикалық шеңберінде, алкоголь және мұнай өнімдерінің заңсыз саудалану фактілерінің алдын алу, жолын кесу бағытында 53 рейдтік тексерулер ұйымдастырылды.
Жүргізілген іс-шаралар нәтижесінде, заңсыз айналымда болған 40,2 мың дана алкоголь өнімдері және 33,7 тонна мұнай өнімдері тәркіленіп алынды. ҚР ӘҚБтК-нің 281, 282, 283 және 463 баптарына орай, 4,1 млн теңгеге әкімшілік құқық бұзушылық туралы хаттамалары толтырылып, салынған әкімшілік айыппұлдары бюджетке толық өндірілді.
Сонымен қатар, темекі өнімдернің заңсыз айналымы бағытында 6-тақырыптық тексеру жүргізіліп, нәтижесінде бүгінгі таңға 951,2 мың теңгені құрайтын акциздік маркасы белгісіз (жоқ) 6 109 қорап темекі өнімінің заңсыз айналымы анықталды. Ол өнімдер тәркіленіп, саудалаған тұлғаларға 1,8 млн. теңге көлемінде әкімшілік хаттамалар толтырылды.
"Алдағы уақытта, осындай бақылау-профилактикалық іс-шаралар Шымкент қаласы бойынша Мемлекеттік кірістер органдарымен үнемі ұйымдастырылып, жүргізіліп отыратын болғандықтан кәсіпкерлік субъектілеріне және жалпы салық төлеушілерге Заң талаптарына сәйкес жұмыс жасалу қажеттігін ескертеміз", делінген хабарламада.
