Ресейлік турист аяқкиіміне жасырған алтындарымен бірге Қытайға демалысқа аттанған. Бұл туралы Қиыршығыс кеден басқармасының баспасөз қызметі хабарлады.
Забайкальск бекетінің қызметкерлері кедендік бақылаудан өтер алдында әйелдің күдік тудырып, мазасызданғанын байқайды. Тексеру нәтижесінде ол жалпы салмағы 1,8 килограмм болатын сары металдан тұратын 10 құйманы өз еркімен берді. Алтындар кроссовкалардың астында жасырылған.
Әйел құймалар туысқандарынан мұраға қалғанын және Қытайдан тиімді клиентті тапқысы келгенін айтты.
Читин кедені бастығы орынбасарының міндетін атқарушы Алексей Рожнов слиткалар қолдан құйылғанын, оларда өнеркәсіптік белгі жоқ екенін айтты. Әйелде құймаларды дайындау немесе сатып алуды растайтын құжаттар жоқ болып шықты.
