Бұл туралы ҚР ІІМ Төтенше жағдайлар комитетінің инстаграм желісіндегі ресми парақшасына сілтеме жасай отырып Elitar.kz хабарлайды.
2018 жылғы 28 мамырда сағат 00:28-де Қарқаралы қаласы, Құнанбай қажы көшесі, 67-үйде орналасқан екі қабатты тұрғын үйдегі ас үйдің жануы туралы хабарлама келіп түсті.
Екі минут ішінде №40 Өрт сөндіру бөлімінің бастығы азаматтық қорғау капитаны К.Ахметов бастаған өрт сөндірушілер оқиға орнына келді. Бірінші қабаттағы № 8 пәтерден қалың түтін шығып, барлық кіреберісті басқан. Бөлім бастығы жағдайды бағалап, одан әрі іс-әрекеттер бойынша жедел шешім қабылдады. Өрт сөндіруші басқарған газ-түтіннен қорғау қызметінің буыны тыныс алу аппараттарына қосылып, бір минутты жоғалтпай, адамдарды және өрт ошағын іздестіре бастады.
Алдымен
үйден сыйымдылығы 27 литр болатын екі
газ баллонын шығарған, олардың біреуі
өрт басталған асүйден шыққан. Содан
кейін үш иінді баспалдақты тез орната
отырып, жанып жатқан пәтердің үстіндегі
екінші қабаттан екі адамды шығарды.
Кейін басқа пәтердің балконынан тағы
үш адамды түсірді. Қысқа мерзім ішінде
буынның үйлесімді іс-әрекеттерімен
жану ошағын ауыздықтап, жақын арада
сағат 00.54-те отты толығымен сөндірді.
Өрттің жалпы аумағы 1 бөлмелі пәтердің ас бөлмесінде 10 шаршы метр ас үй жиһазы, ағаш терезе және есік блоктары, жылытқыштың жанатын бөліктері болды. Өрт сөндіруге жеке құрамының 4 адамы және 1 техникасы жұмылдырылды.
Өртке қарсы қызмет қызметкерлерінің жұмыс тәжірибесі мен сауатты іс – әрекеттері 24 минут ішінде адамдарды құтқаруға және өртті толығымен сөндіруге мүмкіндік берді. 5 адам құтқарылып, 6 адам эвакуацияланды.
