23 қаңтар, 10:04
Шығыс Қазақстан облыстық Сыбайлас жемқорлыққа қарсы қызметі ҚР Экология министрлігіне қарасты Орман шаруашылығы және жануарлар дүниесі комитетінің Шығыс Қазақстан облыстық орман шаруашылығы және жануарлар дүниесі аумақтық инспекциясының Бұқтырма бөліміндегі жүйелі жемқорлық фактілерінің жолын кесті.
Осы бөлімнің басшысы мен оның қарамағындағы бірқатар қызметкерлерге қатысты тергеу басталды. Олар браконьерлерден жүйелі негізде 50 мың теңгеден 200 мың теңгеге дейінгі мөлшерде пара алды деп айыпталып отыр. Олар бұл ақшаны жалпы қамқорлығы үшін және балық ресурстарын заңсыз аулаудың тыйым салынған әдістермен (синтетикалық мононитиялармен), сондай-ақ Бұқтырма су қоймасының резервтік (тыйым салынған) учаскелерінде уылдырық шашу кезінде тыйым салынған балық ресурстарын заңсыз аулаудың жолын кесу бойынша шаралар қолданбағаны үшін алған деген күдікке ілінді.
Бұл іс бойынша сотқа дейінгі тергеу жалғасуда. Күдіктілердің кінәсінің дәрежесі туралы түпкілікті шешімді сот шығарады.
Автор:
Elitar.kz
