Десе де, Түркістан облысы Сарыағаш ауданында ақша айырбастау пунктіне ұрлыққа түскендер қамауға алынды, деп хабарлайды Түркістан облыстық полиция департаментінің баспасөз қызметіне сілтеме жасай отырып Elitar.kz.
Аудандық полиция бөліміне жергілікті тұрғын хабарласып, түнгі уақытта белгісіз біреулер ақша айырбастау нүктесіне артқы есікті бұзып кіргенін айтып шағымданған.
Ұрылар
ақша айырбастау нүктесінен қорапқа
салынған, жалпы соммасы 3 миллион теңгеге
жуық ақшаны қолды еткен.
Тәртіп сақшылары жедел іздестіру шарасы барысында бір күн ішінде күдіктілерді құрықтады. Ұсталған екі азамат та жергілікті тұрғын болып шыққан.
Күдіктілерді қолға түсірген кезде 25 мың теңге тәркіленген. Екеуі де өз кінәсін толық мойындаған.
"Күдіктілердің
үстінен ҚР ҚК нің 188 бабы бойынша қылмыстық
іс қозғалды. Қазір екі күдікті де қамауға
алынған. Сотқа дейінгі тергеп-тексеру
амалдары жүріп жатыр,"- деп хабарлайды
Түркістан облыстық полиция департаментінің
баспасөз қызметі.
