1 сәуірге 34 мыңнан астам қазақстандық негізгі қарызын өтеді. Қазақстандықтардың шамамен 1,7 млрд теңге өсімі мен 0,2 млрд. теңге айыппұлы салықтық рақымшылық бойынша кешірілді. Бұл туралы Үкімет отырысында Премьер-Министрдің бірінші орынбасары – ҚР Қаржы министрі Әлихан Смайылов мәлімдеді деп хабарлайды Elitar.kz.
"Ағымдағы жылдың 1 сәуіріне 34 мыңнан астам салық төлеуші 7,6 млрд теңгенің негізгі қарызын өтеді. Олар бойынша 1,7 млрд.теңгеге өсім мен 0,2 млрд. теңгеге айыппұл алынып тасталды", - деді Әлихан Смайылов.
Шағын және орта
бизнес субъектілері үшін салықтық
рақымшылық 2019 жылдың 1 қаңтарында
басталды. Алдын ала мәліметтер бойынша,
рақымшылық жасауға жататын салық
төлеушілердің саны 90 мыңнан асады.
"210,7 млрд теңге көлемінде негізгі қарызды төлеген жағдайда, олардан 122,9 млрд теңге көлемінде өсім және 7,3 млрд теңге көлемінде айыппұл алынып тасталады", - деп атап өтті Смайылов.
