Сарыағаш аудандық полиция бөлімі қайырымдылық жасау мақсатында көпбалалы отбасының үйіне барды. Түркістан облыстық Полиция департаментінің мәліметінше, тәртіп сақшылары алдымен бір қойды сойып, құрбан бағыштаған.
"Полицейлер сойылған етті түгелімен 5 бала өсіріп отырған жалғызбасты ананың үйіне апарып берді. Осылайша жалдамалы пәтерде, жұмыссыз отырған әйелге кішкене де болса қол ұшын созды. Әйелдің айтуынша ол мемлекеттен әлеуметтік төлемақы алады. Өз кезегінде көпбалалы ана полицейлердің іс-әрекетіне разы болып, қызметтеріне табыс тіледі" делінген департамент хабарламасында.
