Сарыағаштық полицейлерге кейуананың келіні арызданып келген. Ол өз шағымында тұрғын үйіне белгісіз азаматтар келіп, үйіндегі егде жастағы енесінің жеке меншігіндегі малдарын танымайтын адамға беріп, алданып қалғанын жазады.
"Аталған жайт Сарыағаш АПБ қызметкерлерімен СДТБТ-ға тіркеуге алынып, ҚР Қылмыстық кодексінің 190-бабы «Алаяқтық» бойынша қылмыстық іс қозғалады. Жәбірленуші тарапқа 22 мың теңгедей шығын келтірілген.
Сарыағаш АПБ қызметкерлері алаяқтыққа қатысы бар күдіктіні құрықтау үшін қажетті деген іс-шаралардың барлығын тегіс атқарады. Нәтижесінде Сарыағаш ауданының жергілікті тұрғыны ұсталды" делінген Түркістан облыстық полиция департаментінің баспасөз қызметі берген хабарламада.
Тергеп-тексеру кезінде белгілі болғаны күдікті ер азамат 77 жастағы қарияның жалғыз екенін пайдаланып үйіне келген. Өз малының сол үйдің қойларына қосылып кеткендігін айтып қораға кіреді де ішінен өзінің қалауы бойынша бордақыланған қойды жымқырып кеткен. Айта кетерлігі, күдікті бұрын соңды ҚР ҚК-нің 188-бабы «Ұрлық» және 191-бабы «Тонау» бойынша сотты болып, мерзімін өтеп шыққан.
