Бұл туралы белсенді Құрманғазы Мүсір өзінің желі парақшасында жазды, деп хабарлайды Elitar.kz.
Белсенді әрі заңгер аузы мен қолы байлаулы болған балаға барған. Бүлдіршін ауруханаға жатқызылған. Баланың әкесінің айтуынша, ол түнімен құсып, қызуы көтерілген.
"Келес аудандық аурухананың балалар бөлімінің меңгерушісінің сөзінше, Шымкенттегі облыстық балалар ауруханасында тексеруден кейін бүлдіршінге "Мальабсорция" диагнозы қойылған. Салдарынан бауыр мен ас қорыту жүйесі зақымданған. Дәрігерлер баланы емдеу үшін барлық мүмкіндікті жасап жатыр" делінген жазбада.
Сонымен қатар Құрманғазы Мүсір Сарыағаш аудандық прокуратурасына шағым түсіруге бара жатқанын мәлімдеді. Оның сөзінше әлдекімдер оны бұл істен шеттеткісі келген.
"Көреміз, бұл олардың қолынан келе ме, жоқ па? Мен соңына дейін барамын" деп жазды ол.
Естеріңізге салсақ, ағымдағы жылдың қаңтар айының басында әлеуметтік желілерде аузы мен қолы байлаулы отырған баланың видеосы тарап кетті. Кейін белгілі болғаны, оқиға Сарыағашта болған. Баланың ата-анасы ажырасып кеткен. Перзентін көруге келген әкесі бұрынғы әйелі бүлдіршіннің аузын тұмшалап, тіпті қимыл-қозғалысын шектеп тастағанын көреді. Бұл оқиғаға қатысты ҚР ҚК-нің 140-бабы "Кәмелет жасына толмаған адамды тәрбиелеу жөніндегі міндеттерді орындамау" бойынша іс қозғалған. Қазіргі таңда сотқа дейінгі тергеу амалдары жалғасуда
