Сарыағашта еліміздегі ең алғашқы "ақылды жаяу жүргінші жолы" іске қосылды, - деп хабарлайды "Отырар" арнасына сілтеме жасай отырып Elitar.kz.
Қазақстан Республикасының Тұңғыш Президенті Нұрсұлтан Назарбаевтың бекіткен "Цифрлық Қазақстан" Мемлекеттік бағдарламасы аясында Сарыағаш қаласын ақылды қалаға айналдыру мақсатында smart city - Saryagash жобасы әзірленген болатын.
Осы жоба аясында бүгінгі таңда елімізде алғаш рет Сарыағаш қаласында ақылды жаяу жүргінші жолы салынып, пайдалануға берілді. Бұл жаяу жүргінші жолының ерекшелігі - жүргіншілерді жол бойынан түнгі мезгілде қауіпсіз өткізу. Атап айтқанда, жол жиегіне келген жаяу жүргіншіні қауіпсіз жол бойынан өткізу үшін, арнайы сезгіш датчиктер іске қосылып, жол жамылғысы жарықтанады.
