10 қаңтар, 13:09
Шымкентте жөргекпұл ұрлауды кәсіп етті деген күдікпен ер кісі ұсталды.
2020 жылдың 4 және 5 қаңтарында полицияға белгісіз азаматтың қаладағы дәріханалардан жөргекпұлдарды ұрлап кеткендігі туралы бірнеше хабарлама келіп түскен. Оқиға орнына келген полицейлер күдіктінің жеке басын анықтады. Ол бұрын сотталған 34 жастағы жергілікті тұрғын болып шықты.
Шымкент қаласының Әл-Фараби және Абай аудандық ПБ қызметкерлері жедел-іздестіру іс-шарасы барысында күдіктіні ұстады. Тергеу барысында күдіктінің тағы үш қылмысқа қатысы бар екені анықталды. Ер азамат ұрланған заттарды сатып, одан түскен пайданы өз қажеттілігіне жұмсаған. Күдіктінің үстінен Қылмыстық Кодекстің 187-бабы (ұсақ ұрлық) бойынша іс қозғалып, тергеу амалдары басталды.
