Тергеу қорытындысы бойынша Шереметьево әуежайындағы «Аэрофлот» әуе компаниясының ұшағының апатқа ұшырауына экипаж командирі Денис Евдокимов кінәлі болып шықты. Бұл туралы ТАСС агенттігіне сілтеме жасап Elitar.kz хабарлайды.
РФ Тергеу комитеті төрағасының орынбасары Игорь Красновтың мәліметінше, сарапшылар қорытындысына сәйкес апатқа ұшақ кінәлі емес. Ұшаққа әуе кемесінің пайдалану шектеуінен асып кететіндей жүк тиелген, ал экипаж командирі жылдамдықтың жоғары болуынан және вертикальды салмақтың нормадан асып кетуі салдарынан жолаққа тым қатты қонған. SSJ ұшу-қону жолағынан шассидің негізгі тірегі сынғанға дейін үш рет секірген. Соның салдарынан ұшақтың жанармайы төгіліп, өрт шыққан. Қазіргі таңда ұшақ командирі адвокатымен бірге іс материалдарымен танысып жатыр. Оның адвокаты Наталья Митусова өзінің қорғауындағы азаматтың өз кінәсін мойындамайтынын алға тартты.
Естеріңізге салсақ, өткен жылдың мамырында Мәскеудегі Шереметьево әуежайында жерге қонған ұшақ өртеніп, салдарынан борттағы 78 адамның 41-і мерт болған болатын.
