1957 жылы Алматы облысында дүниеге келген Қасымов еліміздің бас полицейі қызметіне 2011 жылдың сәуір айында келді.
1. Тағайындалғанына бір ай өткенде Ақтөбеде қанды оқиға орын алды. Жергілікті тұрғын Рахымжан Махатов облыстық ҰҚК департаментінің ғимаратында өз-өзін жарып жіберді. Бұл ел тарихындағы алғашқы теракт деп есептелді. Ақтөбеден кейінгі лаңкестік әрекет еліміздің бірнеше қаласында жалғасты.
2. Қалмұханбет Қасымовқа полиция генерал-лейтенанты шені 2011 жылдың 14 желтоқсанында берілді. Араға екі күн салып Жаңаөзен оқиғасы орын алды. Өкініштісі, полиция бірнеше ай бойы ереуілдеп тұрған мұнайшыларға оқ жаудырып, күшпен таратпақ болды. Салдарынан 16 адам қаза тапты. Ресми мәлімет бойынша жаппай тәртіпсіздік ұйымдастырды деген айыппен 37 адам сотқа тартылды.
3. 2012 жылы Қазақстанда лаңкестерге тосқауыл қою мақсатында бірнеше операция өтті. Басым көпшілігінің көз жойылды. Бір ғана Алматы аумағында өткенде шарада 33 адам қаза тапты, оның 7-еуі балалар, 4-еуі әйел азаматы.
4. 2015 жыл. Қаңтар. Жаңа редакциядағы қылмыстық, қылмыстық-процессуалды және қылмыстық-атқару кодекстері күшіне енді. Онда "саяси баптар" бойынша жазалар қатаңдатылып, түрме жүйесі қызметкерлерінің құқықтары кеңейтілді. Төрт айдан кейін Қалмұханбет Қасымов полиция генерал-полковнигі шенін алды.
5. 2016 жыл. Маусым. Ақтөбеде бір топ қарулы адам екі қару дүкенін басып алып, әскери бөлімшеге шабуыл жасамақ болды.
6. 2016 жыл. Шілде. Алматы. Алмалы аудандық ішкі істер бөлімі мен ҰҚК департаментіне қарулы шабуыл жасалды. Бір шабуылшының қолынан 8 полиция қызметкері мен екі тұрғын қаза тапты. Билік бұл шабуылды теракт деп атап, Алматыда «террорлық қауіптің қызыл деңгейі» жарияланды.
7. 2016 жыл. Көктем. Қазақстандықтар бірнеше өңірде жер сатуға қарсылық танытып, минингке шықты. Полицейлер жер митингіне қатысушыларды ғана емес, тіпті бұл тақырыпта әлеуметтік желілерде мәлімет бөлісетіндерді де ұстады. Бірнеше адам сотты болды.
8. 2017 жыл. Тамыз. Таразда лауазымды полицей әріптесін пышақтады деп айыпталды.
9. 2018 жыл. Шілде. Алматының қақ ортасында әйгілі спортшы Денис Тен автоұрылардың қолынан қаза тапты. Бұл оқиға көптеген қазақстандықтардың қабырғасын қайыстырып, тұрғындар ел полицейлерінің жұмысына жаппай наразалық танытты. Тіпті ІІМ отставкаға кетуін талап етті.
9. 2018 жыл. Күз. БҚО полиция қызметкері әріптесіне оқ атса, алматылық полицей әріптесімен жанжалдан соң көз жұмды.
10. 2018 жыл. Қазан. Қалмұханбет Қасымов 9 айда елімізде қылмыстың 9 пайызға қысқарғанын мәлімдеді. Сонымен қатар Қазақстанда полицейлер саны қысқарып, жалақылары көтерілетінін мәлім етті. Ішкі істер министрлігінің жұмысы реформаланатыны, полицейлер формасы өзгеретіні де осы кезде белгілі болды.
11. 2018 жыл. Қазан. Мемлекет басшысы отандық полицейлердің жұмысын сынға алды. Бірақ министр Қасымовты адамгершілігі мол адам деп мақтады.
