Бұл туралы Түркістан облысының құрылғанына 1 жыл толуына орай өткізілген кездесуде айтылды, деп хабарлайды Elitar.kz тілшісі.
Бүгін әкім журналистермен кездесті. Жиында өңір басшысына түрлі сұрақтар қойылды. Ұзық жылдар бойы бір саланы тізгіндеп отырған басшылардың жайы да тілшілерді алаңдатпай қоймады.
"Бір саланы жылдап басқару жемқорлыққа бір қадам жол емес пе?" деген сауалға әкім былай деп жауап берді:
"Менің ұстанымымда адам жиырма, отыз жыл отыр, сондықтан алып тастайық деген принцип жоқ. Адам кәсіби деңгейі жоғары маман болатын болса, өз саласында таза жұмыс істейтін бола, бекерден-бекер қызметтен алып тастауға болмайды. Қызмет - адам өмірінің нәтижесі, абыройы, жан-жағындағы халықтың алдындағы өзінің деңгейі. Сондықтан тектен-тек, бостан-бос жасы кеп қалды немесе көп отырды деп жұмыстан алып тастау деген қағида менде жоқ",-деді Өмірзақ Шөкеев.
Айта кетейік, біз бұған дейін Түркістан облысы әкімінің журналистермен кездесіп, брифинг бергені туралы жазған болатынбыз.
